Cristiano Ronaldo si Maradona dhe Pele

Titulli: Cristiano Ronaldo si Maradona dhe Pele 6/2/2008, 23:12

Cristiano Ronaldo si Maradona dhe Pele

Kualifikimi në gjysmëfinale, portugezi i ri i "djajve të kuq", Kristiano Ronaldo ka marrë më së shumti lëvdata, madje bashkëlojtari i tij, Patrik Evra ka theksuar se "Kristiano Ronaldo është i mirë aq sa Pele e Maradona në kohën e tyre".
"Kristiano mund të bëjë të njëjtë gjë sikur Pele, Maradona apo Xhorxh Best. Ai më të vërtet mund të jetë njëri prej futbollistëve më të mirë në botë i të gjitha kohërave. {shtë gjë e shkëlqyeshme për këtë djalosh fakti se ai gjërat e tilla nuk i bën vetëm në stërvitje, por çdo veprim është i aftë ta përsërisë kur është mëse e nevojshme. Dhe më rëndësi është se ai nuk luan në atë mënyrë vetëm për vetën e tij, por për skuadrën, tifozët dhe natyrisht për fitore", ka theksuar Evra. Sipas tij, rruga deri te suksesi për Mançester Junajtedin ende është e gjatë. "Nëse nuk fitojmë asgjë njerëzit do të thonë se kemi luajtur futboll të mirë, por për mua kjo nuk mjafton. Nëse nuk fitojmë asnjë trofe, atëherë ky do të jetë një edicion i dobët për ne, pa marrë parasysh se kemi luajtur mirë. Duhet të fitojmë së paku një ose dy trofe në këtë ediicon. Tre trofe janë fantazi, por gjithçka është e mundshme", ka vlerësuar Evra, duke shtuar: "Nëse gjërat shkojnë sipas planit, atëherë shumë lehtë mund të ndodh që gjërat të shkojnë në mënyrën më të mirë. Fundi i edicionit për Mançester Junajtedin mund të jetë i shkëlqyeshëm ose mund të jetë i tmerrshëm. Në futboll llogariten vetëm trofetë e fituara, kurse vendin e dytë nuk e kujton askush. Kam një përvojë të tillë në garën për titull kampioni, kur kam luajtur tek Monako në vitin 2004. Në janar kishim 10 pikë epërsi ndaj Lionit dhe u kualifikuam në finale të Ligës së Kampionëve, por në fund nuk fituam asgjë. E di saktë se në cilin moment gjërat filluan të shkojnë negativisht dhe nuk dua ta përjetojë një gjë të tillë sërish", ka përfunduar Evra.

» C.Ronaldo ne vemendjen e te gjithve...
» C.Ronaldo, Xhordani i futbollit..!!
» Ronaldo mbron veten dhe Phelps