Ançeloti: Milani është lodhur

Trajneri i Milanit, Karlo Ançeloti ka pohuar se skuadra e tij është e vjetër dhe e lodhur, prandaj në verë klubi duhet të sjellë përforcime të reja. “Ndoshta skuadra ime ka filluar ta ndjej lodhjen, kurse dihet se lojtarët tanë janë goxha në moshë.


Por, megjithatë për këtë çështje do të flasim kur të përfundojë ky edicion. Në qershor do të fillojmë të bisedojmë për të ardhmen e klubit”, ka pohuar Ançeloti. Duke komentuar humbjen e së mërkurës ndaj Sampdorisë 1:2, trajneri i Milanit ka thënë se skuadra e tij ka bërë disa gabime skandaloze, të cilat i kushtuan me humbjen e pikëve dhe tashmë rrezikon vizën për Ligën e Kampionëve. “Luajtëm shumë dobët.

Për shkak të gabimeve tona skandaloze, lejuam kundërshtarin të kalojë në epërsi 2:0. Më pas ishte shumë vështirë për t’u rikthyer në lojë, kurse ndikim të madh në paraqitjen tonë të dobët pati edhe lëndimi i brazilianit Kaka, i cili u detyrua ta braktis fushën pas vetëm nëntë minutash lojë”, ka pohuar Ançeloti.