Një Show Televiziv Për Shqiptarët Dhe Serbët

Prej datës 15 janar deri më 15 shkurt, në Kosovë dhe Serbi kanë filluar fazat e para seleksionuese të një programi rinor të tipit show- TV, i cili mban emrin “CooperaTiVa”.
Ky është një program prej nëntë serish, në të cilin shqiptarë dhe serbë do të konkurrojnë midis tyre (në skuadra) për të fi tuar çmime të ndryshme. Temat e konkurseve ndryshojnë nga seria në seri, duke fi lluar me dizajnimin e një reklame (The apprentice), gatimin e një recete shqiptare apo serbe (Iron shef) apo përshtatja me jetesën në fermë (The simple life). Dymbëdhjetë do të jetë numri i pjesëmarrësve në këtë konkurs, xhirimet e të cilit do të mbahen nga muaji mars deri në muajin qershor në disa qytete të Kosovës dhe Serbisë. Ky nuk është thjesht një program artistik, më tepër sesa edukativ, i cili tenton që nëpërmjet eksperiencash të përbashkëta, të tregojë se dy popujt me një histori më tepër armiqësore sesa miqësore, mund të arrijnë të mësojnë sesi të bashkëjetojnë së bashku!
Pak si shumë herët për këtë mësim, por pse mos të provohet?! Për të qenë pjesë e “CooperaTiVa” ju duhet të dini anglisht, t’i përkisni grupmoshës 18 deri në 21-vjeçare dhe sigurisht kërkohet që të jeni tolerantë e pozitivë. Nëse ky show arrin të realizohet, ai do të shndërrohet në hit në të dy shtetet. “CooperaTiVa” është planifi kuar të transmetohet gjatë muajve shtator dhe tetor në televizionet serbe dhe shqiptare.