Rijkaard nuk dëshiron të komentojë për largim

Menaxheri i Barcelonës, Frank Rijkaard, ka qenë mospërfillës të komentojë mundësinë e largimit të tij nga klubi spanjoll, gjatë konferencës së shtypit para ndeshjes çerekfinale të Ligës së Kampionëve, që do ta zhvillojë sot (e martë) përballë Schalkes.
“Pas humbjes, është më mirë të mos flasim për këto gjëra dhe jam shumë më entuziast tash. Jemi këtu për të treguar një ndeshje të mirë dhe të përgatitemi për këtë. Është më mirë të mos hyrë në këto tema”, ka thënë holandezi.

“Mund ta kuptojmë zemërimin e tifozëve, është e drejtë e tyre. Por, kjo duhet të na japë neve një motivim shtesë për të treguar vlerat e vërteta tonat. Duhet t’i gëzojmë njerëzit”, ka shtuar Rijkaard.

Barcelona u mposht 3-2 nga Real Betis gjatë ndeshjes së vikendit, edhe pse kishte avancuar 2-0 në pjesë të parë, ndërsa largimi i holandezit gjatë kësaj vere nga drejtimi i klubit spanjoll, po thuajse është i sigurt.