Manchester dhe Barcelona shënojnë fitore në udhëtim

Manchester United ka mposhtur si mysafir ekipin e Romës me rezultat 2-0, derisa Barcelona ka fituar me rezultat minimal në fushë të Schalkes, në kuadër të ndeshjeve të para çerekfinale të Ligës së Kampionëve.
Djajtë e Kuq arritën t’u mbijetojnë disa presioneve të sulmit të Romës dhe shënuan dy gola në ndeshjen e luajtur në Olimpico. Pjesa e parë solli edhe golin e parë përmes një goditje të fortë me kokë nga Cristiano Ronaldo (39’), derisa pjesa e dytë po ashtu solli një gol tjetër, të cilin e shënoi Wayne Rooney (66’), duke vulosur kështu rezultatin.

Me këtë fitore prej dy golash avantazh në udhëtim, Machester po thuajse kualifikohet për në gjysmëfinale të Ligës së Kampionëve, pasi që ndeshja e kthimit do të luhet në Old Trafford, ku Roma do të ketë nevojë për tre gola, për tu kualifikuar, e që pa dyshim do të jetë mjaft e vështirë.

Barcelona po ashtu ka bërë një hap përpara drejt gjysmëfinales, pasi që ka mposhtur në udhëtim ekipin gjerman të Schalkes me rezultat 1-0, me golin e hershëm të shënuar nga Bojan Krkic (11’), pas një asistimi të francezit Thierry Henry. Me këto fitore në udhëtim, është shumë me gjasa të kemi një gjysmëfinale mes Manchester United dhe Barcelonës.

Në kuadër të dy ndeshjeve tjera gjysmëfinale, nesër do të kemi rast të shohim tre ekipe angleze. Arsenali do të presë në Emirates ekipin e Liverpoolit, derisa turqit e Fenerbahces presin anglezët e Chelseat.