Liverpool humb avantazhin në minutën e fundit

Të kuqtë e Liverpoolit kanë avancuar me rezultat 1-0 deri në çastet e fundit të ndeshjes së parë gjysmëfinale përballë Chelseat të luajtur në Anfield, kur një autogol i shënuar nga Rise, barazoi rezultatin.

Goli i tetë i sulmuesit holandez Dirk Kuyt, i dha epërsinë Liverpoolit dy minuta para fundit të pjesës së parë (minuta 43). Por, një autogol i shënuar nga zëvendësuesi John Arne Riise në momentet e fundit të ndeshjes, vulosi rezultat 1-1.

Kjo ishte përballja e tretë mes dy ekipeve në gjysmëfinale të Ligës së Kampionëve në katër sezonet e fundit, në të cilat kjo është hera e parë që Chelsea shënon në udhëtim.

Me këtë rezultat Chelsea mbetet favorit për të kaluar në finale, pasi që ndeshjen e kthimit do të luajë si nikoqir në Stamford Bridge, gjatë javës së ardhshme.