Juventusi kundërshton...

Titulli: Juventusi kundërshton... 15/11/2007, 00:44

Pas ankesave të Bufonit, arrihet rekordi i penalltive në disfavor, përfshi golin e anuluar të Iakuintës

Futbolli në këto orë ka edhe gjëra të tjera për të menduar, por, ndoshta edhe për këtë, "dosieri i gjyqtarëve" ka mbetur në sirtar. Fletorja e ankesave të bardhezinjve arriti kulmin në Parmë, me një kapitull të ri. 11-metërsh i dhënë për mbajtjen nga fanella të Rexhinaldos, goli i mundshëm i fitores 2-3, i anuluar ndaj Iakuintës në kohë të plotë shtesë. Këtë herë 11-metërshi i dukalëve ishte i drejtë, por ishte i rregullt edhe goli i qendërsulmuesit juventin. Bufoni bëri menjëherë ironikun: "Kur të dëshirojnë të luajmë një kampionat prej kryesuesi, të na e thonë...
Me këtë ritëm, të paktën të na japin dy titujt që na kanë hequr." Polemik apo ironik, numri një "axurr", që ka "rihapur" dosjen e padrejtësive të pësuara në fillim të sezonit. Nuk janë shumë, në të vërtetë, por 3-1, 3 pikët në renditje që do të kishte merituar Juvja me Napolin e Parmën, kundrejt vetëm 1 pike të marrë në "Tardini". Megjithatë, në 13 sezonet e fundit nuk ka pësuar asnjëherë kaq shumë 11-metërsha kundra (6). PENALLTITË - Janë 11-metërshat e dhënë me shumë lehtësi kundra apo të mohuar, që bëjnë të diskutojnë më shumë për mbajtje nga fanella ose shtyrje në zonë. Në Kaljari, gjyqtari Taljavento dha dy 11-metërsha dhe të dy ishin. E treta, me Kielinin që ndërhyri ndaj Kontit, shndërrohet në goditje këndi, falë ndërhyrjes së vijërojtësit Kariolato. Edhe Farina ka pak "gisht" që "ndaloi" humbjen në Olimpiko" me Udinezen. Gjyqtari hezitoi në disa raste ndërhyrjesh në zonën friulane, ku ishte 11-metërsh kontakti mes portierit Handanoviç dhe Noçerinos.
Ajo që i hiqet në fund i kompensohet sërish, nga goli i ndeshjes së Trezegesë në derbi, me një pozicion jashtë loje aktiv, gjithnjë të Trezegolit ndaj Fiorentinës, në goditjen e golit të Iakuintës. Episodet e diskutueshme janë të fundit. Më 27 tetor del në skenë në "San Paolo" Bergonzi-show: kur rezultati ishte 1-1, vërshëllen dy 11-metërsha të paqenë, i pari ndaj Kielinit, që ndërhyn para kohe kundër Lavecit, i dyti ndaj Zalajetës. Fitoi Napoli, një pikë e humbur në renditje në "San Paolo", dy ndërkohë të lëna në stadiumin e Parmës. Një përmbysje rokamboleske ajo e bardhezinjve, për 45 minuta në heshtje, por protagonistë të një finaleje të bukur me Iakuintën autor të golit të fitores, por i anuluar nga gjyqtari Gava për një ndërhyrje të pashpjegueshme në zonën e dukalëve.