Albade.com

Titulli: NBA 15/11/2007, 01:03

NBA me lajme te reja

Ylli i denverit fiton duelin personal me LeBron Xhejms. Një Orleans fiton në sekondën e fundit NBA, rezultatet e djeshme Denver Kleveland 122 100 Nju Xhersi Nju Orleans 82 84 Utah Xhaz Sakramento 117 93 Allen Iverson ka qenë një Zot në parket dje në ndeshjen që skuadra e tij Denver arriti ndaj Klevelandit 122-100. Organizatori i njohur realizoi 37 pikë në këtë takim, duke fituar duelin me LeBron Xhejms, që shënoi 27 pikë për skuadrën e tij.

Për Denverin dje shkëlqeu edhe Antoni, që realizoi 22 pikë, ndërsa Smith, ndonëse e nisi ndeshjen nga stoli, realizoi 29 pikë. Iverson, pas përfundimit të takimit tha: "Në pjesën e dytë e ndjeva që po hyja në lojën time dhe më dukej se vallëzoja në fushë. Është fantastike kur luan në ndeshje të tilla dhe të gjithë presionin e kthen në një lojë të bukur dhe rezultative për skuadrën tënde. Ndërkohë, Utah Xhaz konfirmohet se nga skuadrat më të forta të konferencës së Perëndimit, pas fitores së 6-të sezonale. "Viktima" e radhës ishte skuadra e Sakramentos (117-93), ku ra në sy edhe një herë prova e mirë e Mike Bibyt dhe Karlos Bozer, ky i fundit autor i 32 pikëve dhe 10 topave të kapur në tabelë. Në ndeshjen e fundit luajtur mbrëmë, Nju Orleans arriti suksesin e radhës, duke u rikandiduar për një vend në play off në konferencën e Lindjes.

Nju Orleans fituan me shifrat 84-82 ndaj Nju Xhersit në shtëpinë e kësaj të fundit. Për këtë të fundit nuk mjaftoi loja e mirë e Xheferson (32 pikë për të) dhe Xhejzon Kid (14 pikë), duke dalë të humbur nga ky takim. Kjo ndeshje u vendos në 2 sekondat e fundit, pas një koshi të Kris Paul, që i dhuroi fitoren Nju Orleansit.