Presidenti Topi, vazhdon vizitën e tij në Turqi

Presidenti Bamir Topi, vazhdon sot ditën e dytë të vizitës së tij në Turqi. Sipas agjensisë së lajmeve turke “Anadollia”, presidenti shqiptar dhe homologu i tij turk, Abdulla Gyl do të diskutojnë rreth çështjeve politiko-ekonomike si dhe mardhëniet nderkombëtare të dy vendeve. Topi do të vizitojë parlamentin turk, ku do të marrë pjesë si i ftuar nderi në seancën parlamentare, ndërsa më pas do të takohet me përfaqësuesit e bizneseve në Stamboll. Ndërkaq presidenti Gyl, do të shtrojë sot një darkë në nder të homologut të tij Topi.