Gjirokastër; Katër të vdekur nga një aksident

Aksident automobilistik në aksin Gjirokastër - Tepelenë, humbin jetën 4 persona. Sipas policicisë, ngjarja ndodhi rreth mesnatës, pranë Urës së Kardhiqit. Si rezultat i shpejtësisë, tej normave të lejuara, mjeti BMV, me targa të huaja, ku udhëtonin, u përplas me bordurën e rrugës dhe mori flakë. Viktimat janë Vladimir Shpataj e Armando Myldykllari nga 29 vjeç, si dhe 28-vjeçarët, Julian Vata e Altin Ryta. Mësohet se njëri prej tyre, ndërroi jetë në spitalin rajonal të Gjirokastrës.