Pakistani, thirrje Obamës, 'Stop' sulmeve ndaj militantëve

Qeveria pakistaneze i bën thirrje Barak Obamës, të ndalojë sulmet me raketa kundër të dyshuarve talebanë dhe militantëve të Al Kaedës, në kufirin me Afganistanin. Islamabadi vë në dukje se edhe civilë kanë humbur jetën. Asoshiejtid Pres, citon njoftime zyrtare, se 8 militantë dhe 22 persona afganë mbetën të vrarë gjatë bombardimeve më të fundit ajrore. Sulmet ishin të parat, prej zyrtarizimit të Obamës, si president i 44-rt i Shteteve të Bashkuara.