Bulqizë, shembet galeria, mbetet i bllokuar një minator

Shënohet një tjetër incident në minierën e Bulqizës. Një punëtor ka mbetur i bllokuar në një galeri kromi jo-funksionale. Sipas korrespondetit tonë Dëfrim Karai, galeria është shembur duke mbajtur të bllokuar minatorin Arjan Duva, ndërsa punëtori tjetër Astrit Kuka ka mundur të shpëtohet nga kolegët. Në vendngjarje forcat e policisë po punojnë për nxjerrjen e trupit të minatorit të bllokuar, edhe pse shpresat për ta gjetur gjallë janë të pakta.