Preshevë, kërkohet lirimi i ish pjestarëve të UÇK-së

Këshilltarët e Kuvendeve Komunale të Preshevës, të Bujanocit dhe Medvegjës, kanë kërkuar lirimin pa kushte të 9 shqiptarëve ish- pjesëtarë të UÇK-së. Ata u arrestuan kohë më parë nga autoritetet e serbe, të dyshuar se kanë kryer krime në rajonin e Gjilanit në vitin 1999. Në deklaratën, e miratuar nga këshilltarët shqiptarë, mes të tjerash, thuhet se veprimet e autoriteteve të Serbisë lidhur me të arrestuarit janë jolegjitime dhe politike. Gjithashtu në deklaratë kërkohet edhe respektimi i amnistisë për të gjithë ish-pjesëtarët e UÇK-së në Luginën e Preshevës.