Obama, do të dekretojë ligjin për mbrojtjen e mjedisit

Barak Obama është gati të dekretojë një tjetër ligj, që hedh poshtë vendimet e erës Bush. Bëhet fjalë për një tjetër temë, e cila ishte në qendër të fushatës së tij elektorale, mjedisi dhe lufta kundër ngrohjes globale. Sipas mediave amerikane, Presidenti i ri do të dekretojë sot një Ligj, i cili i lejon Kalifornisë, por edhe 13 shteteve të tjera, hyrjen në fuqi të masave më të ashpra për mjedisin. Bëhet fjalë jo vetëm për uljen e lëshimit të gazit të dëmshëm nga automjetet, por edhe sasisë së karburantit. Kjo masë nga specialistët mund të ketë pasoja edhe për industrinë botërore të automjeteve.