Dështon përpjekja serbe për ndryshime në projektrezolutën

Kanë dështuar përpjekjet e Serbisë që përmes disa deputetëve të Parlamentit Evropian të ndryshonin tekstin e projektrezolutës për Kosovën, të paraqitur javën e kaluar në Komitetin për Politikë të Jashtme nga deputeti, Jost Langendijk. Në këtë tekst, siç bën të ditur gazeta Koha Ditore, ishin paraqitur më shumë se 160 amendamente, më së shumti nga disa deputetë nga Rumania dhe Greqia, vende që nuk e kanë njohur pavarësinë e Kosovës. Mirëpo, angazhimi i deputetit nga Holanda, Langedijk, pastaj Grupit më të madh Demokristian në Parlamentin Evropian EPP, si edhe i disa deputetëve nga Hungaria, Belgjika dhe Gjermania, bënë që përpjekjet e diplomacisë serbe të mos kalonin në PE.