Princesha britanike, viziton Kosovën

Princesha britanike En, vajza e vetme e Mbretëreshës Elisabet II, nesër dhe pasnesër do të bëjë një vizitë zyrtare në Republikën e Kosovës. Kjo është një vizita e parë mbretërore në Kosovë që nga pavarësia e saj më 17 shkurt 2008, thuhet në një njoftim të Ambasadës britanike në Prishtinë. Princesha En gjatë qëndrimit në Kosovë do të takojë Ministrin e Kulturës, Rinisë dhe Sporteve, do të vizitojë Gjilanin, fshatin Dobratin afër Prishtinës, si dhe trupat britanike dhe pjesëtarët e Policisë dhe Doganës. Amabasadori britanik në Prishtine, Andi Sparks, përmes një deklarate, ka vlerësuar se kjo vizitë shpreh rëndësinë që Mbretëria e Bashkuar i kushton marrëdhënieve miqësore me Kosovën.