Opozita: Varfëria në vend, ende e lartë

Opozita ka shprehur sot shqetësimin për nivelin e varfërisë në vend. Një ditë pas deklaratave të mbrëmshme të kryeministrit Berisha, nënsekretari socialist i programit, Ilir Beqja, u shpreh sot se Berishës, iu deshën 4 ditë në Davos që të kuptonte dështimin në zbutjen e varfërisë. Ndërkaq, Edmond Haxhinasto i Lëvizjes Socialiste për Integrim, deklaroi se Qeveria, ende nuk e di, që një në çdo pesë shqiptarë, jeton në nivelin e varfërisë ekstreme. Sipas tij, ekzekutivi, e ka thelluar hendekun mes të pasurve e të varfërve.