Australi: Rrezikon 10 vjet burg, kontrabandoi dy pëllumba

Dogana në aeroportin e Melburnit ka bllokuar një udhëtar australian që vinte nga Dubai me dy pëllumba të gjallë, fshehur në çorape. Doganierët kanë dyshuar, pasi kanë gjetur dy vezë të fshehura në një kuti vitaminash në bagazhin e 23-vjeçarit. Pasi i kanë bërë një kontroll më të hollësishëm, i kanë zbuluar edhe pëllumbat, të lidhura në fund të këmbëve. Dënimi maksimal për kontrabandë të kafshëve të mbrojtura në Australi, është dhjetë vjet burg dhe një gjobë prej gati 55 mijë eurosh.