Rreth 200 persona shpëtohen në detet e Indonezisë

Rreth 200 persona kanë mundur të shpëtohen nga një anije, pasi kishin qëndruar për 21 ditë në detet e Indonezisë. Lajmi u bë i ditur nga zyrtarët indonezianë, sipas së cilëve, dyshohet që personat i përkasin një pakice myslimane, Rohingia, që nuk njihet nga autoritetet e Burmës. Anija u zbulua nga një grup peshkatarësh, të cilët e gjetën atë të tejmbushur me njerëz, që prej ditësh ishin pa ngrënë dhe pa pirë, në mëshirë të fatit. 50 persona u dërguan në spital për shkak të dehidratimit, ndërkohë që ky është grupi i dytë i birmanezëve, që mbërrijnë në Indonezi brenda një muaji.