Withers: Qeveria të shikojë me vëmendje ligjin e dosjeve

Shtetet e Bashkuara shpresojnë, që Qeveria shqiptare, t’i hedhë një vështrim të ri ligjit të dosjeve. Ambasadori Xhon Uithërs, në një intervistë dhënë “Zërit të Amerikës”, përsëriti qëndrimin se ky ligj ka përplasje me Kushtetutën, si dhe paraqet vështirësi në zbatim. Gjithashtu, Uithërs, u ndal te reforma në drejtësi, duke veçuar rëndësinë e ndarjes së pushteteve. Ndërkaq, diplomati i Uashingtonit, theksoi se zgjedhjet e lira dhe të ndershme, janë element kyç për demokracinë.