Indi, tashmë çiftet mund të puthen në publik

Çiftet në Indi tashmë nuk rrezikojnë gjobë ose burg nëse puthen në publik. Vendimi u dha nga Gjykata e Lartë në Nju Delhi. Gjykatësit kanë pushuar çështjen ndaj dy të sapomartuarve, të cilët për një puthje në publik, rrezikoheshin të dënoheshin me tre muaj burg. Burrë e grua, 28 dhe 23 vjeç, ndërsa prisnin avokatin që do të regjistronte martesën e tyre, ishin fshehur pas një kollone dhe ishin puthur me njëri-tjetrin. Vetëm kaq ka mjaftuar që ndaj tyre të niste kalvari i gjyqit. Që megjithatë rezultoi, jo vetëm me faljen e tyre, por dhe të gjithë çifteve të tjera në Indi, që tashmë mund të puthen lirshëm në publik.