SHBA: Berisha prezanton reformat e vendit, administratës O.B

Takimi I parë I kryeministrit Berisha në SHBA ishte me anëtarin e Dhomës së Përfaqësuesve në Kongresin amerikan, Eliot Engel, një personalitet që interesohet mjaft për çështjet e Kosovës dhe të Shqipërisë. Engel e siguroi kryeministrin Berisha se administrata e Presidentit Obama do të ndjekë të njëjtën politikë bashkëpunimi me Shqipërinë. Zoti Berisha bëri një prezantim të reformave që ka ndërmarrë vendi i tij në fusha të ndryshme. Kryeministri Berisha pati gjithashtu një darkë zyrtare me senatorin Tom Koburn dhe u prit nga anëtari i Dhomës së Përfaqësuesve, Dana Rohrabacher. Vizita e zotit Berisha përfshin edhe takime me Sekretaren e Departamentit amerikan të Shtetit, Hillari Klinton, me ish kandidatin republikan për president Xhon Mekein, me organizatat shqiptaro-amerikane, me delegacionin e Kosovës dhe me përfaqësuesit diplomatikë të Prishtinës në Uashington.