Topi, takim me ish të përndjekurit e Malësisë së Madhe

Një përfaqësi e ish-të përndjekurve politikë të Malësisë së Madhe, i shprehën sot shqetësimet presidentit Topi, në një takim në Pallatin e Brigadave. Sipas njoftimit zyrtar të faqes së Presidencës, ata e njohën kryetarin e Shtetit me pengesat që ndeshin si shtresë shoqërore, përsa i përket dëmshpërblimit, shkollimit, punësimit, rehabilitimit, si dhe integrimit. Topi, iu sugjeroi ish-të përndjekurve politikë, të shfrytëzojnë të gjitha rrugët institucionale e demokratike, për evidentimin dhe zgjidhjen e problemeve. Gjithashtu, Presidenti i garantoi mbështetje të vazhdueshme.