Obama: Nuk kam pirë kurrë cigare brenda Shtëpisë së Bardhë

Presidenti i SHBA-së, Barak Obama nuk ka pirë kurrë cigare brenda mjediseve të Shtëpisë së Bardhë. Gjatë një interviste për CNN, Obama tha se që kur ka hyrë në Shtëpinë e Bardhë, nuk ka pirë asnjë cigare, edhe pse disa herë e ka pasur shumë të vështirë t’i rezistonte tundimit. Megjithatë Obama nuk tregoi qartë nëse e ka lënë duhanin pas marrjes së postit të Presidentit. Pirja e duhanit në mjediset e Shtëpisë së Bardhë ishte ndaluar në shkurt të vitit 1993, pikërisht nga ish-Zonja e Parë, Hillari Klinton.