Kacin-Lebek, thirrje vendeve të BE-së për njohjen e Kosovës

Eurodeputeti slloven Jelko Kacin dhe danezi Johanes Lebek, kanë propozuar në emër të Aleancës së Liberalëve dhe Demokratëve Europianë, grupimi i tretë në Parlamentin Evropian, një amandament në rezolutën e propozuar për Kosovën. Me anë të këtij amandamenti inkurajohen të gjithë anëtarët e Bashkimit Evropian që nuk e kanë njohur pavarësinë e Kosovës që ta bëjnë këtë. Parlamenti Evropian do të debatojë sot në Strasburg për Kosovën, ndërsa nesër deputetët do të votojnë si për tekstin e rezolutës, ashtu edhe për amandamentet e paraqitura.