NBA: Xhejms me rekord të ri 52 pikë

Titulli: NBA: Xhejms me rekord të ri 52 pikë 8/2/2009, 20:17

NBA: Xhejms me rekord të ri 52 pikë

Në Ligën e NBA-së, natën ndërmjet të mërkurës dhe të enjtes u zhvilluan 11 takime. Në "Madison Square Garden", të Nju Jorkut ka shkëlqyer Lebron Xhejmsi dhe skuadra e tij Klivlend Kavaliers. "Kalorësit" me ndihmën e tij arritën të mposhtin "Niksat" me rezultat 107:102, ndërsa Xhejms shënoi 52 pikë (rekord i sezonit) dhe arriti realizim treshifror që ishte i 21 në karrierë. Ai realizoi edhe 11 asistime dhe 10 kërcime, ndërsa vetëm në 12 minutat e parë shënoi 20 pikë.
Në vitin 1975, Karim Abdul kur kishte arritur realizim treshifror, kishte shënuar 50 pikë, dy më pak se Lebroni, i cili vetëm një natë më herët theu rekordin e Kobi Brajantit si lojtari më i ri në moshë që ka arritur shifrën prej 12 mijë pikëve në NBA. Në radhët e vendësve më efikasi ishte All Herington i cili e përfundoi ndeshjen me 39 pikë të shënuara.
Lejkersat fituan në Toronto (115:107), ndërsa më meritorët për fitoren e radhës ishin Kobi Brajanti me 36 pikë dhe Poul Gasol me 31 pikë dhe 15 asistime. Xhoe Graham në radhët e Reptorsave u dallua me 24 pikë, ndërsa Xhermejn O'Nil shënoi dy më pak.
Në 26 ballafaqimet e deritashme të këtyre dy ekipeve Lejkersat avancojnë bindshëm me 21 fitore kundrejt 5 disfatave.

Rezultatet:

Toronto – LA Lejkersi 107:115
Nju Jorku – Klivlendi 102:107
Orlando – LA Klipersi 125:96
Uashington – Nju Xhersi 88:115
Oklahoma – Denver 113:114
Detroit – Majami 93:90
Minesota – Atlanta 86:94
Memfis – Hjuston 104:93
Nju Orlins – Çikago 93:107
Dallas – Portland 104:99
Golden Stejt – Finiks 124:112

» Jay - Z Rekord si Elvis ?
» FOTO: Rekord i ri i bjondeve