Lakersat ndalin Bostonin

Titulli: Lakersat ndalin Bostonin 8/2/2009, 20:33

Lakersat ndalin Bostonin

Në Ligën e NBA-së natën ndërmjet të enjtes dhe të premtes u zhvilluan tri takime, ndërsa në super sfidën që u zhvillua ndërmjet Boston Seltik dhe LA Lejkersi në "Banknorth Garden", fitore arrti pas vazhdimeve skuadra nga Kalifornia me rezultat 109:110.

Në kohën e rregullt rezultati ishte (101:101). Për Bostonin, ishte kjo disfata e parë pas 12 fitoreve radhazi. Më meritorët për këtë fitore të Lejkersave ishin Pol Gasol me 24 pikë dhe 14 kërcime dhe Kobi Brajant me 26 pikë dhe 10 kërcime. Lejkersat për herë të dytë në këtë edicion arritën të ndalin serinë e fitoreve të Bostonit. Herën e parë kur "Keltët" kishin arritur numrin 19 të fitoreve gjatë krishtlindjeve, dhe tash pas 12 fitoreve, sërish ndalen nga LA Lejkersi por kësaj radhe në Boston. Allen në radhët e nikoqirit ishte më efikasi me 22, derisa Pirs shënoi një pikë më pak, por që të dytë në 16 sekondat e fundit të kohës shtesë prej pesë minutave huqin fitoren pasi "makina e gjelbër" u nis në aksionin e fundit, pasi më parë Lamar Odom qëlloi të dy gjuajtjet e lira. Garnet, i cili i mungoi skuadrës në dy ndeshjet e kaluara u largua 4:22 minuta para përfundimit të ndeshjes, ndërsa arriti kuotën e 16 pikëve.
Në tri takimet e mbrëmshme fitoren më të lartë e shënuan basketbollistët e Utah Jazz. Këta me rezultatin 115:87 e mundën Dallas Mavericksin. Kyle Korver me 20 pikët arriti të bëjë rekord të karrierës.

NBA rezulatet:

Filadelfia – Indiana 99:94
Boston – LA Lejkersi 109:110 (101:101)
Juta – Dallas 115:87