Joe Calzaghe mbyll karrierën e boksit

Titulli: Joe Calzaghe mbyll karrierën e boksit 8/2/2009, 20:35

Joe Calzaghe mbyll karrierën e boksit

Njëri nga kampionët më të mëdhenj në historinë e boksit, Joe Calzaghe, në natën mes të enjtes dhe të premtes ka bërë publike se mbyll karrierën e tij të pasur të boksit.

Ai karrierën e mbyll pa kurrfarë njolle të zezë dhe pa asnjë disfatë: në 46 meçet e zhvilluara në ring ai ka dalë si fitues. Uellsiani me prejardhje italiane, në intervistën për BBC-sport, ka thënë se vendimi nuk ishte i lehtë, por se i ka arritur të gjitha.
"Kampion jam tani më 11 vjet. Për në të ardhmen nuk kam qëllime tjera dhe ky është shkaku për të cilin e mbylli karrierën. Në boks kam arritur çdo gjë", ka thënë Calzaghe. 36- vjeçari në pension shkon si njeriu i cili në karrierën e tij 16 vjeçare ishte pronar i brezave të kampionit në versionet WBO, WBA, WBC dhe IBF.
Meçin e fundit Calzaghe e zhvilloi me 8 nëntor kundër një legjende tjetër të këtij sporti Roy Jons Junior, të cilin e mundi në pikë. Që në atë kohë ai paralajmëroi se do të mbyll karrierën.