Bajerni i ngjitet Hofenheimit të vendit tw parë

Titulli: Bajerni i ngjitet Hofenheimit të vendit tw parë 9/2/2009, 04:01

Bajerni i ngjitet Hofenheimit të vendit tw parë

Sulmuesi Miroslav Klose ka shënuar dy herë në minutat e fundit, duke i dhënë Bajernit të Mynihut fitoren 3-1 ndaj Dortmundit, në ndeshjen e luajtur dje në Bundesligë. Kampionët e Gjermanisë ngjiten në vendin e dytë të renditjes me 38 pikë. Dortmundi shënoi golin e parë pas dy minutash lojë me anë të Nelson Valdes, i cili fitoi duelin me Martin Demikelisin pas topit të marrë nga Tamas Hajnal. Bajerni reagoi me Ze Roberton, që vuri baraspeshën në mesin e pjesës së parë, me portën e boshatisur. Tri minuta para fundit, skuadra e Klinsmanit gjeti ftohtësinë e Miroslav Kloses, që shënoi dy gola jetikë për fatet e sezonit. Bajerni është në vendin e dytë me 38 pikë, një më pak se Hofenheimi, i cili barazoi të shtunën, 1-1 me Mynshegladbahun. Herta ndodhet në vendin e tretë me 37 pikë, ndërsa Hamburgu, që të shtunën humbi në Karlsruhe, ka 36 pikë. Dortmundi mbetet në vendin e nëntë. Në ndeshjen tjetër të luajtur dje, e cila mbylli javën e 19-të të Bundesligës, Kotbusi fitoi 3-1 ndaj Hanoverit në fushën e tij, duke u ngjitur në vendin e 15-të.