Papa planifikon të vizitojë vendlindjen

Papa Benedikti i 16-të, vitin e ardhshëm, planifikon të vizitojë vendlindjen e tij, Gjermaninë, ku aktualisht duket se nuk është shumë popullor. Vetëm 42% e gjermanëve ndihen të kënaqur me punën dhe zgjidhjet e dhëna nga Ati i Shenjtë. Pjesa më e madhe e tyre shprehen të zhgënjyer me rehabilitimin prej Jozef Racingerit të peshkopit mohues të Holokaustit, Uilliamson. Në prill të 2005-ës, kur u zgjodh në krye të Vatikanit, Benedikti i 16-të gëzonte mbështetjen e mbi 63% të gjermanëve.