Herrero, policia e kujdesshme gjatë zgjedhjeve në Maqedoni

Ambasadori i OSBE-së në Shkup, Hose Luis Herrero ka bërë thirrje për kujdes të veçantë nga pjesëtarët e policisë gjatë fushatës dhe ditës së zgjedhjeve. Ai ka theksuar, se është me rëndësi që policia të sillet në mënyrë transparente dhe të tregojnë neutralitet e pavarësi në drejtim të të gjitha partive politike, gjatë procesit zgjedhor. Kjo deklaratë është mirëpritur nga ministria e brendëshme. OSBE-ja ka bërë të ditur, se do të informojë publikun për veprimet e policisë, sidomos gjatë fushatës zgjedhore.