Drashkoviç: Marrëdhëniet Shqipëri-SHBA, model për Serbinë

Vuk Drashkoviç thotë se raportet e Serbisë me SHBA-të, duhet të ndërtohen, duke marrë si shembull shqiptarët. Ish-ministri i Jashtëm i Serbisë ka treguar edhe një detaj nga Mëngjesi i Lutjeve, ku Sekretarja amerikane e Shtetit, Hillari Klinton, ishte ulur në një tavolinë me Kryeministrin Sali Berisha. Drashkoviç shprehet i shqetësuar rreth raporteve Beograd - Uashington. I pyetur nga Zëri i Amerikës, se ç’mund të bëjë Serbia për promovimin e interesave të saj në Shtetet e Bashkuara të Amerikës, ai tha se Serbia më parë duhet të sqarojë gjërat me veten. Ai sugjeroi si model marrëdhëniet shqiptaro-amerikane.