Huntelar dëshiron të braktis Real Madridin

Titulli: Huntelar dëshiron të braktis Real Madridin 10/2/2009, 00:27

Huntelar dëshiron të braktis Real Madridin

Edhe pse ka vetëm dy muaj që ka arritur në radhët e Realit, holandezi Klas Jan Huntelar dëshiron që të braktis skuadrën nga "Santiago Bernabeu".Një gjë të tillë e ka bërë të ditur e përditshmja spanjolle "As", e cila është referuar në fjalët e miqve të afërt të Huntelarit.
"Unë nuk mund të përballem me këtë situatë. Reali nuk më ka vendosur në emëroren e futbollistëve me të drejtë paraqitjeje në Ligën e Kampionëve dhe as që më jep rastin për të luajtur në kampionat. Trajneri Huande Ramos nuk ka besim tek unë. Dua të iki nga Reali, sepse nuk mund ta duroj më këtë gjendje".
Para vetëm 67 ditësh Huntelar vendosi të braktis Ajaksin për të kaluar te Reali, një transferim ky me vlerë prej 20 milionë euro. Nga gjashtë ndeshjet e mundshme për të luajtur, ai është paraqitur vetëm në tre prej tyre edhe atë vetëm në një si titullar.
Edhe pse arritja e tij në Madrid konsiderohej si një blerje e madhe ai ka luajtur vetëm 151 minuta në fanellën e "madrilenëve". Gjithnjë sipas gazetës "As", Huntelar tashmë i ka dhënë dritën e gjelbër agjentit të tij, Arnold Osteveld që të fillojë bisedimet me klubin dhe ta qartësojë situatën e tij. Huntelar gjithnjë është nën hijen e sulmuesit legjendar Raul dhe argjentinasit Higuain futbollist ky i cili në fundjavë i solli fitoren skuadrës së trajnerit Huande Ramos në përballjen kundër Rasing Santander.

» JEHONA SOPI braktis studimet
» Nicolette Sheridan braktis 'Shtepiaket e Deshperuara'