Tri pikë kundër Maltës, për të ëndërruar KB 2010

Tri pikë kundër Maltës, për të ëndërruar KB 2010

Ndeshja e së mërkurës në La Valeta kundër Maltës, vlerësohet si tejet e rëndësishme për vazhdimësinë e Kombëtares shqiptare në eliminatoret e Botërorit 2010.Tani më tre ditë djemtë e veshur "kuqezi", të drejtuar nga Ari Han, janë duke zhvilluar përgatitjet për këtë takim. Përfaqësuesja e Shqipërisë është e detyruar të marrë tri pikët me të cilat do të merrte kryesimin e renditjes të Grupit të parë eliminator. Në të njëjtë kohë nëse "kuq e zinjtë" i marrin këto tri pikë atëherë një kohë të gjatë do të ëndërrojnë kualifikimin në fazën finale të evenimentit më të madh sportive që do të zhvillohet në Afrikën e Jugut. Shqipëria fitoi 3-0 në takimin e parë kundër Maltës.
Përfaqësuesja e këtij vendit llogaritet si një prej skuadrave më të dobëta në kontinentin e vjetër dhe nuk ka fituar asnjë ndeshje eliminatore në dy aktivitetet më të rëndësishme futbollistike prej 28 muajsh. Pas katër ndeshjeve Shqipëria, renditet e katërta në Grupin 1, në kuotën e 5 pikëve, dy më pak se Danimarka kryesuese. Kjo ndeshje të mërkurën ekskluzivisht do të transmetohet në ALSAT-M.

» Lorik Cana do te mungoje ne ndeshjen ndaj Maltes
» A e dinit se... (Kuriozitete)