Kabul: Sulmohen ndërtesat qeveritare, 10 të vdekur

Dy ndërtesa qeveritare në Kabul janë sulmuar nga talebanët. Shpërthimi i dy bombave shkaktoi vdekjen e 10 personave dhe më shumë se 30 janë plagosur. Ende të dhënat janë provizore. Kamikazët kanë hapur zjarr brenda ministrisë së drejtësisë, ndërsa të shtënat janë dëgjuar edhe rreth pallatit presidencial. Sipas BBC-së ministri i drejtësisë është mirë, por e ka të pamundur të largohet nga ndërtesa, ndërsa dy kamikaz janë vrarë. Sulmi erdhi pas lajmit të dhënë nga shefi i ushtrisë amerikane Mike Mullen se në Afganistan nevojiten trupa të tjera shtesë.