Shqipëri: Rroga mesatare, arrin në 300 euro

Rroga mesatare në Shqipëri arrin në 300 euro, në muaj. Shifra është bërë publike në një konferencë rajonale të ekspertëve ekonomikë, që u mbajt në Hercegovinë, ku u vlerësua Shqipëria për progrese në këtë drejtim. Vendin e fundit në rajon, për pagat më të ulëta, tashmë e mban Maqedonia me rreth 250 euro në muaj. Gjithashtu mësohet, se rroga mesatare në Bosnje arrin në 350 euro, në Serbi 400 euro, në Malin e Zi 600 euro, në Kroaci 700 euro për të arritur te 1500 eurot në Slloveni, i vetmi vend anëtar i BE-së. Në konferencë u dhanë shifra alarmante për papunësinë, kryesisht në Maqedoni e Bosnje, ku numërohen respektivisht 300 dhe 450 mijë të papunë. Vetëm në Malin e Zi, gjendja e papunësisë paraqitet e mirë, pasi llogaritet në rreth 10%, të forcës aktive për punë.