10 këshilla për të qenë më të shëndetshëm

Titulli: 10 këshilla për të qenë më të shëndetshëm 14/2/2009, 00:57

10 këshilla për të qenë më të shëndetshëm

Të jesh i shëndoshë nuk do të thotë të jesh i shëndetshëm. Por as e kundërta nuk është e vërtetë. I shëndetshëm është një konstrukt i rregullt, pa shenja dobësie dhe me metabolizëm të mirë. I shëndetshëm ndihet ai njeri që mban rregull në

jetën e tij. Ja 10 hapa të thjeshtë për t’u zbatuar që ju ndihmojnë për të qenë më të shëndetshëm...

Titulli: Pini ujë 14/2/2009, 00:58

Pini ujë

Pini sa të kini mundësi gjatë ditës. Rekomandimi ditor për ujë është 8-10 gota në ditë. Uji është shumë i rëndësishëm sepse ndihmon tretjen e ushqimit, shpejton metabolizmin e trupit, e shpëlan organizmin gjatë ditës dhe në të njëjtën kohë është shumë i rëndësishëm për funksionimin e kyçeve të trupit, si gjunjët dhe bërrylat.

Titulli: Konsumoni ushqim më cilësi 14/2/2009, 00:59

Konsumoni ushqim më cilësi

Trupi është si makinë, dhe si ç’do makinë ka nevojë për karburant për të funksionuar mirë, bilë karburant më cilësi. Zakonisht, 5-6 porcione të vogla ushqimi është më mirë sesa tre porcione. Porcionet më të vogla treten më shpejt në sistemin e tretjes dhe japin më shumë energji trupit.

Titulli: Re: 10 këshilla për të qenë më të shëndetshëm 14/2/2009, 00:59

Përdorni vaj ulliri

Pas drekës dhe darkës, hani një lugë vaj ulliri. Vaji i ullirit quhet ndryshe yndyrë e mirë, dhe ndihmon në heqjen e dhjamit nga trupi.

Suplemente vitaminash dhe mineralesh

Një tabletë Multivitaminë/Multimineral zakonisht mjafton për t’ju dhënë sasinë e caktuar të vitaminave. Ato zakonisht janë të parrezikshme për trupin.

Titulli: Re: 10 këshilla për të qenë më të shëndetshëm 14/2/2009, 01:00

Bëheni zakon stërvitjen

Të paktën tre herë në javë vraponi ose ecni me biçikletë për disa minuta.

Stërvitje kardiovaskulare

Vrap, not, biçikletë, patina, etj. Ç’do aktivitet që e ngre nivelin e rrahjeve të zëmrës në zonën e stërvitjes për një kohë të caktuar, forcon zëmrën. Rreth 20-45 minuta, tre deri në katër herë në javë është e mjaftueshme për të humbur peshën në mënyrë gradualë dhe të shëndetshme.

Migrena, pasojat që sjellin përdorimi i shpeshtë i ilaçeve
10 këshilla për të qenë më të shëndetshëm Migrena-300x175

Shumë njerëz që vuajnë nga migrena përdorin barna kundër dhimbjeve. Shkencëtarët thonë se kura kundër migrenës mund të jetë më e keqe sesa sëmundja. Ndër ilaçet që përfshihen për trajtimin e dhimbjeve të kokës që shkaktohen nga migrena janë buta-bital dhe oxy-codone. Por një studim i kohëve të fundit tregon se përdorimi i shpeshtë i ilaçeve kundër dhimbjeve mund ta bëjnë migrenën kronike.
Mjekët pranë kolegjit mjekësor “Albert Ajnshtajn” morën në shqyrtim 24 persona që vuanin nga dhimbje të kokës. Gjatë studimit këtë pacientë u pyetën se çfarë ilaçesh merrnin kundër këtyre dhimbjeve. Ata që merrnin ilaçe kundër dhimbjeve të kokës të paktën tetë herë në muaj kishin dy herë më shumë gjasa që brenda një viti këto dhimbje të bëheshin kronike. Gjithashtu, mjekët vunë re se pacientët që merrnin ilaçe josteroidale kundër migrenës si për shembull aspirinë, advil e motrin, nuk ndodheshin në rrezik të madh për t’u prekur nga migrena kronike.

Titulli: Re: 10 këshilla për të qenë më të shëndetshëm 14/2/2009, 01:05

Sëmundja

Migrena është një sëmundje neurologjike me dhimbje pulsative të kokës e shoqëruar me marrje mendsh, vjellje, ndjeshmëri ndaj dritës, zërave dhe ndaj aromave. Sëmundja fillon me simptomë prodromale, gjysmë deri një orë para dhimbjes së kokës, me eufori, depresion, lodhje, puls të shpejtuar, anoreksi. Pastaj vijon dhimbja e fortë e kokës në të shumtën e rasteve vetëm nga njëra anë, por jo gjithnjë. Gjatë aktiviteteve trupore keqësohen simptomat. Shpesh shoqërohet dhimbja e kokës me marrje mendsh, vjellje, fotofobi dhe fonofobi. Faktorët të cilët ndikojnë dhe shkaktojnë dhimbje koke janë: stresi, ndryshimi i bioritmit, mungesa e gjumit, ushqimi (djathi, çokollata, çaji, bananet, lajthia, arra, bajamja), alkooli, droga, ndryshimi atmosferik si dhe ndryshimi hormonal tek femrat.

Titulli: Re: 10 këshilla për të qenë më të shëndetshëm 14/2/2009, 01:06

Shkaktarët

Mendohet se migrena shkaktohet nga çlirimi i një substance kimike të quajtur serotoninë ose 5HT në gjak, që shkakton ndryshime në enët e gjakut në tru. Se çfarë ndodh me saktësi është ende e paqartë, por një numër shkaqesh janë identifikuar, të cilat ndryshojnë nga personi në person. Në më të shumtën e rasteve ndodh një kombinim faktorësh që çojnë në krizë, ku mund të përfshihen faktorë ushqyes si çokollata, fruti i portokallit, limoni, brumërat, djathërat, alkooli (veçanërisht vera e kuqe), kafeina, mungesa e vitaminave, ushqime të përpunuara.

Titulli: Re: 10 këshilla për të qenë më të shëndetshëm 14/2/2009, 01:06

Diagnoza

Diagnoza e migrenës bëhet nga pyetja e saktë e pacientëve si dhe nga studimi i historisë së sëmundjeve të pacientëve. Metoda speciale laboratorike për diagnozën e migrenës nuk ekzistojnë. Pra, migrena është sëmundje, e cila me mjete të mjekësisë nuk mund të verifikohet pa probleme. Mirëpo, me ndihmën e Elektroencephalografisë (EEG), Computertomografisë (CT), Ultrazërit, mund të përjashtohen dhimbjet e shkaktuara nga tumoret, gjakderdhja në tru, etj.

Titulli: Re: 10 këshilla për të qenë më të shëndetshëm 14/2/2009, 01:06

Patogjeneza

Edhe pse patogjeneza nuk është plotësisht e sqaruar, në vitet e fundit është grumbulluar evidencë, sipas së cilës kjo sëmundje është të paktën pjesërisht një kanalopati. Kanalopatitë janë sëmundje kryesisht gjenetike, që kanë si shkak një çrregulluesi të përçimit të joneve në kanalet jonike të membranave celulare. Shtysa kryesore e kësaj hipoteze ishte zbulimi që Migrena Familjare Hemiplegjike, megjithëse një formë e rrallë migrene, është një sëmundje trashëguese e tipit autozomal dominant me mutacione të gjeneve në kromozomin e 19, që bëjnë kodimin e kanaleve të kalciumit (Ca2+) të veçanta për neuronet. Kjo shpjegon edhe faktin që bllokuesit jospecifik të kalciumit kanë rol preventiv në këtë patologji. Shumë premtuese qe për një kohë të gjatë hipoteza e “spreading depression”(e vëzhguar së pari më 1944 nga Leao në trurin e lepurit pas shpimit me gjilpërë), por mosvërejtja e këtij fenomeni tek njerëzit pothuajse e ka shuar entuziazmin në këtë drejtim.

Titulli: Re: 10 këshilla për të qenë më të shëndetshëm 14/2/2009, 01:07

Kurat popullore

Në mjekësinë popullore për të lehtësuar dhimbjet e migrenës rekomandohen disa bimë kuruese. Një prej këtyre bimëve është bari i bletës, e cila është një bimë mjaft e njohur në mjekësinë popullore. Prej kohësh çaji i përftuar nga kjo bimë ka ndihmuar në parandalimin dhe lehtësimin e shumë sëmundjeve. Një rol të rëndësishëm lulebleta luan në qetësimin e dhimbjeve të migrenës. Çaji rekomandohet kryesisht kur ajo karakterizohet nga dhimbje të forta të kokës dhe sidomos në gjysmën e saj. Në këtë rast këshillohet të pihet menjëherë një gotë çaj Barlete. Shumë shpejt të sëmurët do shohin rezultatet e shkëlqyera të bimës.
Përdorimi i vajit të farës së zezë është një tjetër ndihmë për të sëmurët me migrenë. Doza normale për të rritur është: Një lugë çaji në mëngjes dhe një në mbrëmje ose 2-3 kapsula në ditë, ndërsa për fëmijë nën 8-vjeç, gjysma e sasisë së lartpërmendur. Marrja e dozës orale, aplikimi në ballë, ose ne pjesën me dhimbje është një kurë shumë e mirë për të lehtësuar dhimbjet. Migrena luftohet me sukses edhe nëse përdoret çaji i përfituar nga bima kualitative dhe e shëndosh bari shumëfletësh në përzierje me bimën kualitative dhe të shëndoshë fara e zezë. Nga kjo përzierje duhet të pihen tre filxhan çaji në ditë derisa të eliminohet sëmundja.

Titulli: Re: 10 këshilla për të qenë më të shëndetshëm 14/2/2009, 01:12

Mjekimi i migrenës

Terapia e migrenës bëhet në dy shtylla: terapia akute dhe terapia profilaktike (parandaluese).

Terapia akute

Për rastet akute të dhimbjes së kokës preferohen: Triptanët: sumatriptani, zolmitriptani, eletriptani, rizatriptani, naratriptani dhe frovatriptani.
Anti-inflamatorët: acidi acetylsalicik (Aspirinë), paracetamol, ibuprofen.
Antiemetikët (kundër vjelljes): domperidon, gjithashtu edhe ergotamini, dihidroergotamini.

Terapia profilaktike

Për parandalimin dhe reduktimin e paraqitjes së dhimbjes rekomandohen:
Betabllokues: metoprolol, propranolol.
Bllokues të kanalit të kalciumit: flunarizin.
Gjithashtu si medikamente të dorës së dytë: valproat, topiramat.
Si metoda pa medikamente vlen të përmenden qetësimi në dhoma të errëta pa zhurmë, terapia aromatike dhe trajnimi autogjen.

Titulli: Të dhëna për sëmundjen 14/2/2009, 01:14

Të dhëna për sëmundjen
Format

Eksitojnë dy lloje kryesore të migrenës: migrena me aurë dhe migrena pa aurë. Aura zgjatë deri më 60 minuta. Ajo paraqitet me halucinacione optike.

Komplikimet

Migrena kronike: më shumë se 15 ditë në muaj dhimbje koke.
Statuti i migrenës: 72 orë pa ndërprerje të dhimbjes së kokës.
Infarkti i migrenës: dëmtimi i trurit si pasojë e migrenës.

Prevalenca

Nga migrena vuajnë 18 për qind e grave dhe 6 për qind e meshkujve. Ajo manifestohet për herë të parë rreth moshës 25 deri 45-vjeçare. Deri në pubertet vuajnë meshkujt dhe femrat në përmasa 1 me 1, pastaj në moshën e rritur femrat vuajnë tre herë më shumë se meshkujt.

Titulli: Re: 10 këshilla për të qenë më të shëndetshëm 14/2/2009, 01:14

Shkaktarët

Faktorët hormonalë: menstruacionet, hipertensioni apo menopauza
Faktorët psikologjikë: presioni i lartë i gjakut, dhimbjet e dhëmbëve, dhimbjet e syve, sinozitet apo bllokimi i hundëve
Streset emocionale: zemërimi apo depresioni, emocionet e forta, shokimet, çlirimi i tensioneve, çlirimi nga streset.
Streset fizike: mbilodhja, aktiviteti, ndryshimi i rutinës, çrregullimet e gjumit, çrregullimet seksuale.
Faktorët ambientalë: ndryshimi i klimës, lagështira, zhurmat, zërat e lartë, drita.
Faktorët ushqyes: çokollata, portokalli, limoni, brumërat, djathërat, alkooli (veçanërisht vera e kuqe), kafeina, mungesa e vitaminave, ushqime të përpunuara.