Poloni: Bien në pranga, 78 pedofilë

Policia polake arrestoi sot 78 persona gjatë bastisjes së mbi 90 shtëpive dhe ndërmarrjeve, në kuadër të një operacioni të madh kundër pedofilisë së përhapur në internet në mbarë Poloninë. Në vazhdim të gjahut kundër pedofilëve të quajtur "Trifon", u konfiskuan dy softuerë, 116 kompjutera dhe 5.500 Cd e DVD-disqe, me fotografi pornografike të fëmijëve, lajmëroi sot policia. Pedofilët polakë i zbuloi policia austriake, e cila i dorëzoi Europol-it të dhëna për 100 shfrytëzues polakë të internetit, që kishin marrë ose përhapur përmbajte pornografike pedofile nga sajtet austriake.