UT: Ndjekje penale për 52 studentë

Rektorati i Universitetit të Tiranës, do të çojë për ndjekje penale në Prokurori, 52 studentë të Fakultetit të Drejtësisë. Ata akuzohen se kanë falsifikuar dokumentet, lidhur me pranimin, në sistemin e studimeve me kohë të pjesëshme. Sipas rektorit Dhori Kule, është ngritur një grup pune, i cili po bën verifikime, në të gjitha fakultetet. Ndërkaq, 52 studentët që rezultuan fitues, por që kanë falsifikuar dokumentet, janë çregjistruar automatikisht.