Vriten 30 militantë në Afganistan

Ushtria amerikane bëri të ditur se forcat e bashkuara të përbëra nga ushtarë afganë dhe ndërkombëtar herët në mëngjes dhe mbrëmë vranë 30 militantë në jugperëndim të Afganistanit. Luftimet u shkallëzuan pasi persona të armatosur e sulmuan patrullën në rajonin Gereshk, në provincën me kriza – Helmand. Dhuna në Afganistan e arriti pikën më kritike pas fillimit të luftës kundër Talibanëve në vitin 2001. SHBA-të po planifikojnë që këtë vit të dërgojnë 17 mijë ushtarë plotësues në jug të Afganistanit si përforcim për forcat e NATO-s që luftojnë kundër militantëve të atjeshëm.