BE me një zë në Samitin e 20 vendeve më të zhvilluara

Njëzetë e shtatë shefat e shteteve apo të qeverive të vendeve anëtare të Bashkimit Evropian harmonizuan qëndrimet që Evropa të jetë unike dhe të flet më një zë në Samitin e 20 vendeve më të zhvilluara që brenda dy javësh do të mbahet në Londër. Atje do të marrin pjesë vetëm katër shtete më të zhvilluara evropiane plus Çekia si kryesuese aktuale me Bashkimin, por ato duhet të flasin në emër të 27 vendeve. Dy mesazhet kryesore janë se Bashkimi nuk dëshiron pako plotësuese për përballjen me krizën dhe se Evropa në këtë Samit dëshiron të paraqitet si udhëheqës në reformat e tregjeve financiare. Krahas kësaj, liderët miratuan edhe disa masa konkrete. Aktualisht, pesë miliardë eurot do të investohen në rrjetet energjetike dhe për shkëmbimin e informacioneve. Bëhet fjalë për pakon e parë për nxitjen e ekonomisë në nivel të Bashkimit. Fondi i krizës i Bashkimit Evropian për shtetet jo likuide jashtë eurozonës do të dyfishohet në 50 miliardë euro dhe se prej tij më së shumti do të përfitojnë shtetet e Evropës lindore. Evropianët kërkojnë edhe rritjen e kapitalit të Fondit Monetar Ndërkombëtar për 250 miliardë euro plotësues. Brukseli po e bënë hapin e parë me pjesëmarrje prej 75 miliardë eurosh. Mirëpo, këtu Bashkimi Evropian po e tërheq vijën e kuqe pasi tashmë ka ndarë 3.3 për qind të Pridhimit Bruto vendor për nxjerrjen e ekonomisë nga recesioni.