Hamnej refuzon ofertën e Obamës për pajtim

Lideri suprem i Iranit, ajatollahu Ali Hamnej i ka hedhur poshtë përpjekjet e presidentit amerikan Barak Obama për pajtim duke shtuar se nuk shikon ndryshim në politikën amerikane ndaj Iranit.
Ai sot para disa dhjetra mijëra njerëzve në qytetin e shenjtë Mashdad e komentoi porosinë të cilën Obama ia dërgoi Iranit me rastin e festave të Vitit të Ri persian. Hamnej pyeti se si është e mundur që presidenti amerikan të urojë festën kur vendi i tij vazhdon të akuzojë Iranin për mbështetjen e terroristëve dhe për zhvillimin e armëve bërthamore.
Obama përmes një porosie televizive e porositi Iranin se SHBA-të janë të gatshme për të qetësuar marrëdhëniet nëse Teherani ul retorikën e tij luftarake.