Nënshkruhet marrëveshja Oher-Pogradec për linjën e anijeve

Një linjë me anije ndërmjet Ohrit dhe Pogradecit do të fillojë të funksionojë në fillim të muajit korrik. Premtimi është bërë pas takimit në Ohër, nga ministrat e Transportit të Maqedonisë dhe Shqipërisë, Mile Janakieski dhe Sokol Olldashi. Dy ministrat e kishin bërë këtë premtim edhe para dy vitesh. Mile Janakieski tha se “tashmë mbetet që Ministria e Punëve të Brendshme dhe Dogana të hapin hapësirën lokale”, ndërkohë që në muajt qershor-korrik linja ujore do të vihet në funksionim. Sipas ministrit maqedonas, më shumë interesim ka nga ana e tyre, se sa nga ajo shqiptare. Ai e quajti këtë linjë, “një dëshirë shumëvjeçare të qytetarëve të Ohrit”.