Shqipëria dhe Kosova, të pasura me rezerva minerale

Shqipëria dhe Kosova janë shumë të pasura me rezerva minerale, vlera e të cilave është qindra miliardë dollarë. Në Shqipëri, ka rezerva minerale në krom, baker, nikel, kuarc, magnez e kobalt, ndërsa Kosova është e pasur në qymyr, ar, argjend, arsenik dhe hekur. Të paktën kështu shkruajnë disa faqe të specializuar ndërkombëtare, të sektorit minerar, duke iu referuar studimeve. Sipas tyre, në dy vitet e fundit, veriu i Shqipërisë, kryesisht Tropoja dhe Kukësi, janë shndërruar në pika eksplorimi. Të dhënat zyrtare flasin, se në këtë zone janë gjetur 800 zona të reja, vend-mbajtëse të kromit. Ekspertët thonë, se kjo zonë ka rreth 500 milionë ton, rezerva në krom.