Pak: Pa njohur Kosovën, Serbia nuk bëhet pjesë e BE-së

Serbia duhet ta ndryshojë politikën e saj ndaj Kosovës, nëse dëshiron të vazhdojë rrugën drejt integrimit europian. Deklarata u bë nga euro-deputetja gjermane, Doris Pak, në një tryezë të rrumbullakët, në Berlin. Zonja Pak tha, se problemi më i madh i Serbisë është që Kosova është fqinji i saj më i afërt, të cilin nuk dëshiron ta njohë. Eurodeputetja gjermane u bëri thirrje serbëve që jetojnë në Kosovë, të aktivizohen dhe të marrin pjesë në zgjedhjet lokale, nga të cilat mund të fitojnë vende në këshillat komunalë.