Xhaxhika, dëshmon në sancën për çështjen "Hoxha"

Në seancën e rradhës të procesit për zhdukjen e biznesmenit shqiptaro-maqedon, Remzi Hoxha, u lexua sot dëshmia e ish-shefit të shendëtësisë në SHIK, në vitet 1992-1998, Ylli Xhaxhika. Dëshmia e Xhaxhikës u lexua nga prokurori, pasi mjeku nuk jeton më. Në të, Xhaxhika pohon, se ka vizituar një të panjohur, në kushte të rënda higjenike, të cilit i ka dhënë ilaçe për të përmirësuar gjendjen e tij. Ylli Xhaxhika e ka dhënë dëshminë e tij në vitin 2003.