Tragjedia në Tisa, arrin në 5 numri i trupave të gjetur

Arrin në 5 numri i trupave pa jetë, të zbuluar tragjedisë në lumin Tisa. Policia e Serbisë, ka gjetur edhe trupat e dy viktimave të tjerë, që dyshohet të jenë të kosovarëve të mbytur, pas përmbysjes së varkës, me të cilën udhëtonin 19 persona, ndërsa po kalonin ilegalisht nga Serbia përmes lumit Tisa për në Hungari. Bëhet fjalë për një vajzë rreth 10-vjeçare, trupi I së cilës është gjetur Adorjana-s, 5 km larg Kanjizhës. Ndërkaq, afër vendit ku është mbytur varka, është gjetur trupi i një të riu të moshës 20-30 vjeçar. Gjykatësi serb tha për mediat se nuk janë gjetur dokumente identifikimi. Policia serbe dyshon se tragjedia ka marrë jetën e 4 femrave, 5 meshkujve dhe të tjerët, të gjithë fëmijë.