Fullani: Zhvillimi ekonomik i vendit,ka nevojë për modifikim

Filozofia e zhvillimit ekonomik të vendit ka
qenë e saktë, por ende ka nevojë për modifikime, që favorizojnë rritjen
e efiçencës. Kështu deklaroi sot guvernatori i Bankës së Shqipërisë,
Ardian Fullani, në një takim me bizneset kryesore të vendit. Duke folur
për ndryshimet, me qëllim kalimin nga një ekonomi në tranzicion, në një
ekonomi në zhvillim, Fullani tërhoqi vëmdendjen në tre çështje
kryesore. Sipas guvernatorit ekonomia shqiptare, nuk ka krijuar ende
një sektor eksporti konkurues, vuan ende dobësitë strukturore dhe i
nevojitet përmirësim në efiçencën e përdorimit të fondeve.