Greqia me ligj anti - grevash

Greqia pritet të miratojë ligj anti-grevash. Pas grevave dhe përplasjeve të forta 17 ditore të kamionistëve grekë me qeverinë e Jorgo Papandreut, Athina zyrtare ka vendosur që të mos e lejojë më vendin të shkojë drejt paralizimit total të transportit. Tre drejtues transporti të akuzuar për pengim të trafikut, u arrestuan dje ndërkohë që autoritetet kanë vendosur të vënë në jetë planin B. Përgatitja e ligjit ka përfunduar, dhe ai parashikon dënime të ashpra dhe me burg për ata që këmbëngulin në protesta të paligjshme dhe bllokuese të vendit. Ligji u prezantua dje dhe pritet të kalojë në parlament me procedurë të përshpejtuar. Nga greva 17 ditore e kamionistëve, Greqisë i janë shkaktuar dëme në 1,5 miliardë Euro.