Interviste me bukuroshen Xhemi Shehu

Xhemi Shehu, e provuar dhe e sprovuar me sfida që, në të shumtën e rasteve ka triumfuar në botën e spektaklit dhe modës, këtë herë ka vendosur t’u përkushtohet seriozisht studimeve. Më e thjeshtë se kurrë, pa thonj fals, as flokë extasion e me një grim shumë natyral, rrëfen dëshirën e saj për t’u bërë këshilltare e kryeministrit të ardhshëm, pas mbarimit të fakultetit për Shkenca Komunikimi. Ikona e ekranit, thellë-thellë e ndjen dhe e shpreh se në politikë pëlqen të qëndrojë pas kuintave, por në ekran, kurrsesi jo. Shehu reflekton lumturi dhe këtë nuk e fsheh, por e pranon se është më e lumtur se kurrë në krahët e dashurisë së saj. E kërkon botën e magjishme të televizionit e të modës edhe në Italinë fqinje, ku fillimet i rezultuan pozitive. Braktisjen e Italisë, që e bëri të ndihej e huaj, si dhe shumë projekte të tjera të Shehut, do mund t’i lexoni në këtë intervistë ekskluzive për revistën “Spektër”.


Me çfarë po merreni aktualisht?

Aktualisht, merrem vetëm me studime. Jam në vit të parë për Marrëdhënie Publike dhe Komunikim, në një universitet privat

Pse kjo degë, apo pëlqeni komunikimin dhe gazetarinë?

Më pëlqen shumë fusha e komunikimit. Kjo është edhe një pjesë plotësuese e punës që unë kam bërë deri më sot. Kam qenë gjithnjë në kontakt me njerëzit, mbase jo të drejtpërdrejtë, jo në rolin e gazetares së mirëfilltë, por kam komunikuar vazhdimisht me publikun përmes ekranit.

Pas mbarimit të fakultetit, ku e shikoni veten?

Këshilltare kryeministrit, jo të këtij aktual, sepse duhet të ketë ikur deri sa ta mbaroj unë shkollën. Por nuk do i ndahem ekranit asnjëherë. Jam gjithmonë e hapur ndaj projekteve që më ofrohen.

Do të thoni se keni një afeksion për politikën?
Politika më pëlqen faktikisht, por, tani për tani, në Shqipëri më shumë të nervozon sesa të afeksionon. Do të më pëlqente më shumë ta ndiqja nga afër këtë fushë, por jo të bëja politikanen e mirëfilltë; të isha pjesë e rëndësishme integruese dhe stabilizuese, përmes këshillave të mija. Do preferoja të qëndroja pas kuintave, deri diku në hije, të jepja investim logjik e të arsyeshëm në këtë fushë të rëndësishme të shoqërisë.

Si fillon dhe mbaron cikli 24-orësh i ditës suaj?

Tani që jam në shkollë fillon dhe mbaron me shkollën, këtë nuk ma beson njeri. E kam marrë shkollën shumë seriozisht; jo se nuk kam dashur herë të tjera, por angazhimet kanë qenë shumë më të mëdha dhe intensive. Pas mbarimit të leksioneve, në orët e vona, në orën 20.30, në fakultet, dal për kafe me të dashurin tim dhe, pas orës 23.00, por jo çdo ditë. Kam hequr dorë nga palestra; shkoj shumë rrallë, se nuk kam kohë.

Të gjithë ju njohin si prezantuese në spektakle të ndryshme, por a keni dëshirë ta realizoni një format televiziv vetë?

Formatet televizive, ku unë kam prezantuar, kanë qenë gjithmonë të gatshme nga vetë televizioni Top Channel. Unë thjesht kam marrë pjesë në audicionet që janë zhvilluar, kam fituar dhe jam bërë pjesë e këtyre spektakleve. Projekt timin ,për momentin, nuk kam. Në të ardhmen projektet e mija janë po në Top Chanale, por deri tani nuk ka asgjë konkrete.

Ju pëlqen të ndërtoni një emision disi ndryshe, sipas mendimit tuaj?

Të them të drejtën, asnjëherë nuk kam dashur ta bëj producentin vetë, si dhe nuk e kam menduar që të shkoj me një projekt timin në një televizion për ta realizuar.

Ju bezdis fakti i të qëndruarit strikt të ideve të të tjerëve?

Zakonisht, përshtatem lehtë me idetë e të tjerëve. Në momentin që mund të ketë pasur diçka që nuk shkon, kam thënë mendimin tim dhe jemi përshtatur duke gjetur gjuhën e përbashkët.

Është folur shumë për rikthimin tuaj në Tiranë, si qëndron e vërteta e braktisjes së Italisë?

Thjesht, zbulova gjatë periudhës njëvjeçare, kur u shkëputa nga Shqipëria, se nuk mund të rri larg familjes, në radhë të parë. Edhe gjatë asaj periudhe më tepër vija në Tiranë, ku kam shpenzuar shumë parà për biletat, për të ardhur këtu. (Qesh) . Bazat u hodhën atje, për të punuar në ekranet televizive italiane. Kisha një projekt për në Canale 5 me Paolo Bonoles, sepse e kisha fituar atë audicion që në muajin prill. U tërhoqa jo se nuk doja, por regjistrimet e emisionit bëheshin në shtator-nëntor, dhe humbisja dy muaj nga shkolla këtu. Nuk më interesonte se, për herë të parë dua ta bëjë shkollën nga fillimi në fund. Ai projekt do më bënte të humbisja shumë, por këtë gjë nuk e doja. Të them të drejtën, Italia nuk bën për mua.

Mendoj se jo vetëm kaq…?

Arsyeja tjetër i bie të dal te personi i zemrës sime. Duke qenë se ai jeton këtu, nuk kishte më kuptim që unë të rrija atje.

Kur dhe ku e keni njohur dashurinë tuaj?

E kam njohur në Shqipëri, sigurisht, përpara se të largohesha për në Itali (kaq mjafton besoj, se nuk është se më pëlqen shumë të jap detaje rreth lidhjes sime).

Meqenëse ju e keni prekur, qoftë edhe majën e ajsbergut të botës së modës dhe spektakleve atje, sa ndryshon me Shqipërinë?

Të them të drejtën, ka një kontrast goxha të madh. Gjërat atje funksionojnë ndryshe dhe janë shumë më të vështira sesa këtu. Atje nuk mund të shkosh thjesht nga rruga; ke dëgjuar se bëhet një audicion dhe mund ta shikosh veten në televizion. Çdo gjë funksionon përmes agjencive dhe, patjetër që duhet ta kesh një agjent që të menaxhon, sepse ka kontaktet e duhura dhe të sugjeron në fushën ku ti jep maksimumin tënd. Unë praktikisht kam punuar me agjenci mode, ku ishin të regjistruara pa fund vajza dhe djem nga e gjithë bota. Kam pasur fatin dhe kam fituar, por më shumë për fotomodele, për fotografi. Televizioni për mua ishte pak problem, sepse, duke qenë studente, nuk i kisha dokumentet e duhura për të punuar në televizion, nuk kisha dokumente pune. Nuk mund të regjistrohesha dot për të punuar; edhe për atë punë që kam bërë te Rai Uno ka ndërhyrë agjencia në mes, sepse ishin dokumente që unë s’i bëja dot. Krahas këtyre vështirësive, edhe konkurrenca atje është jashtëzakonisht e fortë. Ka vajza të bukura dhe shumë të përgatitura, nga mbarë bota.

Për çfarë agjencie keni punuar, si dhe për çfarë firmash keni pozuar?

Për agjencinë “Alba moda”. Kam punuar për firma italiane më tepër; nuk mund të them se ishin shumë të njohura. Kam punuar për veshje, kryesisht për syze. Kam bërë një reklamë për kanalin televiziv Fox.

Si ndiheshe në atë lloj bote?

Ndihesha e huaj. Nuk e di pse, por në Itali nuk arrita të zija as shoqe. Vetëm me një rumune u shoqërova, me të cilën vazhdoj të mbaj kontakte edhe tani. Nuk ndihesha mirë dhe nuk arrija ta gjeja veten. Nuk e kam problem të zë shoqëri dhe nuk jam raciste. Ose ambienti ku unë qëllova e ku njihja më shumë modele ishte egoist dhe nuk ia vlente.

Përveç vështirësive, mbizotëron i afti në krahasim me këtu, ku thonë se ka më shumë bërryla?

Nuk e di çfarë është thënë për mua, sepse unë jam shfaqur në ekran për një periudhë relativisht të gjatë, si dhe nuk jam shkëputur asnjëherë nga televizioni Top Channel. Di të them se që nga viti 2003 dhe deri kur kam ikur në Itali nuk kam munguar në atë ekran, përveçse te spektakli “Ishte loja’, ku pata një shkëputje disamujore. Di të them se nuk kam pasur miq, u jam nënshtruar audicioneve, si për “Shtojzovallet”, “Top Festin” dhe “Portokallinë”, sepse, sado miq të kesh, kur vjen momenti për të dalë në skenë nuk do të dalë miku. Mendoj se asnjë njeriu nuk do t’i interesonte të ndjekë dikë pa sukses, sepse do të bënte që edhe spektakli të dështonte.

Si i balanconi ju raportet e fatit me punën?

E quaj veten me fat, sepse vajza të bukura e të talentuara mund të ketë plot, madje dhe më të talentuara se unë. Për këtë e quaj veten me fat, se jam zgjedhur unë, dhe jo dikush tjetër. Talenti më ka mbajtur gjatë, sepse, nëse unë do të dështoja në një spektakël të vetëm, nuk do më ishte dhënë mundësia e dytë.

Si ndiheni në këto momente?

Për herë të parë mund të them se jam shumë e lumtur. Mund të më mungojë aspekti punë, se njeriu nuk do t’i ketë të gjitha në jetë, por është një gjë që do të realizohet ,dhe nuk është se e vuaj këtë pjesë. Jam e dashuruar dhe ndihem e plotësuar, në aspektin personal.

Në spektaklet që ju keni drejtuar, cilin keni pasur më për zemër?

Jam ndjerë shumë mirë, si me Gonin edhe me Gentin. Por me Gentin kam pasur më shumë hapësirë që të jem unë, Xhemi, mund të dilja edhe jashtë skenarit. “Portokallia” ka pasur një skenar ku duhet të vetëpërmbaheshe. Gjithë boshti ka qenë Goni, ne kemi qenë plotësuese e mund të bënim ndonjë ngacmim që ai të dilte te tema që do të trajtonte. Ndërkohë që me Gentin ka pasur më shumë komunikim dhe vend për ndërhyrje, si dhe çdo gjë tjetër. Pa frikë e them se jam ndier shumë e lirshme, më shumë se në çdo spektakël tjetër.

Sa shanse dhe dyer të hap aparenca?

Sigurisht që aparenca është një armë shumë e fortë. Për aq minuta sa personi do të përqendrohet për të shikuar, sigurisht që i pëlqen të shikojë diçka të bukur dhe tërheqëse. Pastaj, edhe pjesa që ti nxjerr nga goja, që ta bësh tjetrin të të ndjekë, ka rëndësi shumë të veçantë, sepse, nëse nuk je në nivelin e duhur, mund të ndërrohet lehtësish kanali.

Ku qëndron sekreti juaj, për të qenë e lirshme në skenë?

Emocionet të mbërthejnë dhe të bëjnë që të kesh firo; këtë e di shumë mirë ai që e ka provuar daljen para kamerave. Por, fatmirësisht, me kalimin e kohës ato vetëkontrollohen. Përpara kamerës, sigurisht që ka një etikë që duhet zbatuar, por duhet të krijosh lirshmërinë më bashkëfolësin, sigurisht duke qenë vetvetja. Të jesh vetvetja nuk të kushton asgjë. Ndërkohë që, po të importohesh, si ta marrë këtë pozë se ngjaj më mirë ose, nga ana e majtë dal më mirë etj., aty e ke humbur, se nuk e ke mendjen se çfarë po thua, thjesht do të dalësh mirë. Unë nuk e kam pasur asnjëherë këtë problem, sepse se si duhet të më fokusojë kamera atë e di më mirë regjisori. Nuk e kam mendjen se si po dal: e kam më të rëndësishme faktin se çfarë po them. E di se kur qesh shumë nuk dukem mirë, por kur më vjen për të qeshur e harroj fare atë aspekt.

Sa vëmendje i kushtoni pamjes suaj?

Tani që jam në shkollë merrem shumë më pak se përpara. Nëse kam një spektakël, sigurisht që i kushtoj më shumë vëmendje. Filloj palestrën, lyej flokët, bëj solar etj. Tani po e kuptoj se i kam bërë për spektakël, dhe jo për veten time. Ndihem mirë kështu siç jam, por mbase e kam të nevojshme të bëjë pak pushim: duke hequr extansion, thonjtë fals, si dhe duke mbajtur lëkurën me ngjyrën time natyrale. Kjo fazë më ka kapur që në Itali, që në momentin që hoqa takat për herë të parë nga këmba ime, make up-in, gjithashtu. Gjithsesi, gjithmonë e thjeshtë kam qenë; nuk lyhesha, por përdorja make up dhe takat, sepse këtu të gjithë i aplikojnë. Nëse do jem me atlete, do thonë se jam e shkurtër. Unë tani them se nuk më intereson më. Por, thellë-thellë, nuk do të më pëlqente të ma thoshin.

Ju bezdis fakti i të qenit në qendër të vëmendjes?

Nuk e di, më duket se e kam kaluar këtë fazë. Mbase, kur dilja çdo javë në ekran, aty ishte arritur kulmi i të qenit në qendër të vëmendjes. Ndërsa sot nuk më duket edhe aq shumë, ose jam mësuar unë.

Si i ke marrëdhëniet me thashethemet, dhe cili është më i keqja që ke dëgjuar për veten?
Më kanë pasur bezdisur shumë. Kur është thashethem, gjithmonë i keqe është. Më kanë bërë edhe të martuar, të them të drejtën.

Nese do t’i jepnin nje shans te dyte per t’ia nisur edhe nje here nga fillimi karrieren televizive, Xhemi Shehu nuk do te kishte pranuar me kurre te behej Velina e “Fiks Fare”. Eshte penduar per gjithcka ka bere me pare. Ndaj, tani po perpiqet te realizoje gjera me serioze. Te cilat ajo na i zbulon ne kete interviste.

Xhemi Shehun, bukuroshen qe u be sa hap e mbyll syte e famshme, prej Top Channel-it, e qe me pas do te shfaqej dhe ne ekranet italiane, tani nuk ke me asnje shans ta shikosh ne ndonje spektakel a emision televiziv. Duket se ka hequr dore nga jeta prej veline, qe bente dikur. Ndaj me shume se neper studiot televizive apo kafenete luksoze te Tiranes tani e gjen ne mjediset e Universitetit Evropian te Tiranes.

E pa trukuar dhe e veshur sportive, kalon oret duke ndjekur me kujdes leksionet e seminaret e duke lexuar ne biblioteken e shkolles. Tashme eshte e bindur t’i perfundoje studimet e te mund ta marre me ne fund nje diplome, ndersa kjo eshte e treta here qe nis universitetin.

Nderkaq, jashte mureve te atij universiteti e larg orareve te mesimit, i kushton gjithe kohen e nevojshme te dashurit te saj, Visit. Asgje me shume se kaq? Lexoni intervisten qe te zbuloni dicka me shume se kaq.

Si shkon nje dite e jotja tani?

Pas zgjimit me shume zor ne mengjes, duke rrezikuar oret e para te mesimit, marr mungesa (aty ku me lejohet) gjithmone ne oret e para. I jam rikthyer jetes normale, pa makijazh, me nje ndjenje pertacie per t’u kujdesur per veten. Pjesa me e madhe e dites kalon ne auditor, biblioteke, kafet perreth universitetit dhe shtepi. Kam hequr dore edhe nga palestra dhe pak kohe ne darke ja kushtoj shokut. Asgje me shume se kaq! Ky eshte rituali im i tanishem.

Ritual qe duket se eshte kryekeput ndryshe nga atehere kur angazhimi yt ishte televizioni, spektaklet… A ndjehesh me mire keshtu?

Ne fillimet e daljes sime ne ekran, kam qene ne universitet, studioja anglisht dhe kur nisa te dilja te “Fiks Fare” nuk mundesha t’i ndiqja te dyja, pasi ishin ne te njejtin orar, ndaj edhe zgjodha te lija shkollen, me mendimin se do ta rifilloja. Por, puna ndoqi punen dhe kurre s’u bera mbare te mbaroja nje shkolle. Me pas, mora vendimin per te shkuar ne Itali, por edhe atje ose do te punoja, ose do te studioja, te dyja nuk mund te shkonin ne asnje menyre. U ktheva per te qene serish ne “Portokalli”, qe per arsye te ndryshme nuk munda te jem dhe vendosa te provoja te beja edhe shkollen. S’di te them fatmiresisht apo jo qe nuk jam ne “Portokalli”, pasi vetem keshtu po i kushtohem shkolles teresisht, se ndryshe do te me mbeste pergjysme edhe kjo tentative e trete per t’u diplomuar. Po ka shkuar vone duke u marre vetem me pune e jo me shkolle, tani dua ta perfundoj.

Kur ti u largove ne Itali, u thuren shume thashethemet per te shpjeguar arsyet e ikjes tende. Ne fakt, c’ndodhi realisht?

Isha e lodhur dhe doja te ndryshoja ambient. Kisha kohe qe doja te shkoja ne Itali, thjesht prita te largohesha me vize studenti dhe te qendroja deri ne perfundimin e studimeve. Edhe nga ana profesionale, ne fillim shkoi mire gjithcka. Beja fotomodelen, nje pune e veshtire kjo, por ja qe e bera. Do te filloja edhe tek emisioni “Ciao Darvin”, i Paplo Bonolis, qe po transmetohet aktualisht. Audicionin e fitova qe ne prillin e vitit te shkuar, por xhirimet ishin ne tetor-nentor dhe une humbisja dy muaj nga shkolla. Kete here vendosa te mos e le shkollen pas dore. Atje kisha pune te perkohshme dhe shkollen s’po e frekuentoja sic duhej, e nese do te qendroja atje, nuk kisha asgje te sigurt. Kuptova qe Italia nuk ishte per mua dhe kaq. Ndjehem mire me kete zgjedhje qe kam bere tani. Pash se si funksiononte atje televizioni. Kriteret per te qene ne ekran si prezantuese atje jane kryekeput te ndryshme nga ketu. Te kalosh me pare nga shefat, nuk ben per mua, ndaj edhe jam ketu, e kenaqur!

Po atyre qe s’ju ke kthyer pergjigje per thashethemet, c’do u thuash?

Te gjithe ata qe folen, vete i hapen thashethemet e vete i mbyllen. S’kam nder mend t’i jap me shume rendesi asaj cka nuk ka vertet rendesi per mua.

Ne Itali bere per pak kohe fotomodelen. A do te pranoje te pozoje nudo?


Jo! Me kane propozuar te pozoja per revisten “Fox Women”, me nje foto nudo vetem te pjesa e gjoksit, qe do te vihej ne kopertine, ndersa ne brendesi do te botohej CV-ja ime. Ishe reviste per ato femra qe kerkonin te lancoheshin dhe qe shkonte gjithandej. Une s’e pranova, vetem sepse nuk e ndjeja se doja ta beja nje gje te tille. As kam per ta bere kurre! Mua me duket shume vulgare.

U shfaqe per te paren here te “Fiks Fare”, si u gjende aty?

Kur kam filluar une te dal te “Fiksi” ishte ndryshe, pasi nuk dilnin vajza me shumice, sic po shohim sot. Prinderit me kundershtuan shume, dhe as vet s’e di se si perfundova duke ua mbushur mendjen. Them se ata nuk i zhgenjeva, por e them me bindje qe une jam zhgenjyer. Po te kthehesha pas, nuk do e beja serish te njejten gje! Une s’e dija se cfare do ndodhte, sepse po ta dija… Por ishte ai qejfi i adoleshentes per te dale ne ekran! S’kisha kohe as per te menduar, me kapi entuziazmi i momentit.

Pa “Fiks Fare” nuk do te kishte emisione te tjera…

Jam penduar njesoj, dhe pse jam e ndergjegjshme se pa ate s’do te kishte asnje prej emisioneve te tjera me pas ne ekran. Por, edhe duke e ditur kete, serish s’do e beja, natyrisht nese do kisha pjekurine e sotme. Nje gje eshte e sigurt, nese do kisha trute qe kam tani s’do e kisha bere Velinen te “Fiks”-i.

Lidhja jote me Visin u be publike, krejt pa dashje, kur dolen fotot e para te paparaceve qe ju kishin ndjekur. A ishe e pergatitur per kete?

Po, gjithcka nisi kur doli nje foto e imja dhe te jem e sinqerte m’u duk vetja “e shitur”, sepse informacioni doli nga nje shoqe e Visit. Nuk isha fare e pergatitur, pasi, si cdo njeri ne hapat e tij te pare, nuk eshte gati t’ia tregoje te gjitheve lidhjen e tij intime. Me pas dolen fotot ne Voskopoje, ku ishim te dy. S’dua qe jeta personale e dikujt te trajtohet pa pike pergjegjesie, pasi te gjithe kemi familje dhe keto jane ceshtje delikate. S’i intereson askujt se me ke shoqerohem une, po jane thashetheme qe te gjithe i bejne kafeve dhe une nuk ndjehem mire.

Ne gjithe keto kane folur te tjeret per lidhjen tuaj, ndersa ti pothuajse ke folur fare pak. Si shkon ne te vertete kjo marredhenie?

S’kam preferuar te flas asnjehere per jeten time private, pasi eshte dicka qe nuk dua te preket. Askujt nuk i intereson sa e lumtur eshte Xhemi. Por ajo eshte publike tani dhe une ju them se shkon shume mire dhe jam e lumtur me te, shpresoj per me mire.

Nuk i trembesh fejeses apo me tej?

Nuk i trembem asgjeje, perderisa mes nesh do te shkoje mire cdo gje.

Po Visi, si ndjehet kur flitet per ju?

Nuk dua dhe s’kam se si te flas ne emer te tij. As per mua dhe as per te nuk eshte aspak e kendshme, qe dicka e jona, shume intime te behet publike.

Xhemi dhe familja ne c’raporte jane?

Shume te mira. Me kane mbeshtetur, por edhe kundershtuar, por kemi mundur te gjejme kompromis, dhe jam shume e lumtur qe kam dy prinder te mrekullueshem. Puna qe kam bere deri tani nuk eshte e lehte, por ata kane ditur te me qendrojne prane dhe jam shume me fat per kete.

Festa e 25-vjetorit ne Mavrove

Kane mjaftuar ditet e pushimit nga shkolla per t’ju larguar zhurmes se Tiranes. Debora e pikes turistike te Mavroves qene edhe pushimet dimerore te Xhemi Shehut, ku ka kaluar edhe 4 janarin, diten e 25-vjetorit te lindjes, sigurisht perkrah Visit, te dashurit te saj. Ndersa festat e fundvitit i ka kaluar ne menyren me tradicionale te mundshme, deri ne mesnate ne shtepi, e me pas levizja e zakonshme ne ato vende argetimi qe ofron Tirana.